‘ಗೋಲ್ಡನ್’ ಬಾಯ್‌ ಆದ ಧೋನಿ! ಬಂಗಾರದ ಬಟ್ಟೆ ತೊಟ್ಟು ಬಂದ ಬೋನಿ ಕಪೂರ್!

ಇಂದು ಅಂದರೆ ಜುಲೈ 12, 2024 ರಂದು ನಡೆಯಲಿರುವ ಈ ಅದ್ಧೂರಿ ವಿವಾಹ ಸಮಾರಂಭ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಭಾರತೀಯ ಥೀಮ್‌ನಲ್ಲಿ ಅಲಂಕರಿಸಲಾದ ಮಂಟಪದಲ್ಲಿ ನಡೆಯಲಿದೆ.

ಇನ್ನೂ ಈ ಕಾರ್ಯಕ್ರಮಕ್ಕೆ ಗಣ್ಯಾತಿಗಣ್ಯರು ಆಗಮಿತ್ತಿದ್ದಾರೆ. ಬಾಲಿವುಡ್ ಸೆಲಿಬ್ರಿಟಿಗಳು ಕೂಡ ಆಗಮಿಸುತ್ತಿದ್ದಾರೆ. ಇನ್ನೂ ಕ್ರಿಕೆಟ್‌ ರಂಗದ ದಿಗ್ಗಜ ಕ್ಯಾಪ್ಟನ್‌ ಕೂಲ್‌ ಮಹೇಂದ್ರ ಸಿಂಗ್‌ ಧೋನಿ ಕೂಡ ಪತ್ನಿ ಮಗಳ ಜೊತೆ ಆಗಮಿಸಿದ್ದಾರೆ. ಫುಲ್‌ ಗೋಲ್ಡನ್‌ ಕುರ್ತಾದಲ್ಲಿ ಧೋನಿ ಸಖತ್ ಸ್ಟೈಲಿಶ್‌ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ಧೋನಿ ಪತ್ನಿ ಸಾಕ್ಷಿ ಮಗಳ ಝೀವಾ ಕ್ಯಾಮರಾಗೆ ಪೋಸ್‌ ಕೊಟ್ಟಿದ್ದಾರೆ.

ಇನ್ನೂ ಹಾರ್ದಿಕ್‌ ಪಾಂಡ್ಯ ಅಣ್ಣ ಕೃನಾಲ್‌ ಪಾಂಡ್ಯ ಜೊತೆ ಬಂದಿದ್ದಾರೆ. ಕೃನಾಲ್‌ ಪಾಂಡ್ಯ ಜೊತೆ ಅವರ ಪತ್ನಿ ಕೂಡ ಬಂದಿದ್ದಾರೆ. ಇನ್ನೂ ಕೃನಾಲ್‌, ಹಾರ್ದಿಕ್‌ ಪಾಂಡ್ಯ, ಜೊತೆಗೆ ಇಶಾನ್‌ ಕಿಶನ್‌ ಒಟ್ಟಿಗೆ ಕ್ಯಾಮರಾಗೆ ಪೋಸ್‌ ಕೊಟ್ರು.

ಬಾಲಿವುಡ್‌ನ ಹೆಸರಾಂತ ನಿರ್ಮಾಪಕ, ಶ್ರೀದೆವಿ ಪತಿ, ಜಾನ್ಹವಿ ಕಪೂರ್ ಅಪ್ಪ ಬೋನಿ ಕಪೂರ್‌ ಬಂಗಾರದ ಕಲರ್ ಬಟ್ಟೆ ಧರಿಸಿ ಬಂದಿದ್ದಾರೆ. ಫುಲ್‌ ಗೋಲ್ಡನ್‌ ಕಲರ್‌ ಉಡುಗೆಯಲ್ಲಿ ಕ್ಯಾಮರಾಗೆ ಪೋಸ್‌ ಕೊಟ್ಟಿದ್ದಾರೆ.

ಅಮೆರಿಕಾದ ಬ್ರೌನ್ ವಿಶ್ವವಿದ್ಯಾಲಯದಲ್ಲಿ ವ್ಯಾಸಂಗ ಮಾಡಿರುವ ಅನಂತ್ ಅಂಬಾನಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಎನರ್ಜಿ ವಿಭಾಗದ ಕಾರ್ಯನಿರ್ವಾಹಕ ಉಸ್ತುವಾರಿಯಾಗಿದ್ದಾರೆ. ಅವರು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಜಿಯೋ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್, ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್, ರಿಲಯನ್ಸ್ ನ್ಯೂ ಎನರ್ಜಿ ಲಿಮಿಟೆಡ್ ಮತ್ತು ರಿಲಯನ್ಸ್ ನ್ಯೂ ಸೋಲಾರ್ ಎನರ್ಜಿ ಲಿಮಿಟೆಡ್‌ನಲ್ಲಿ ನಿರ್ದೇಶಕರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.

ಸೆಪ್ಟೆಂಬರ್ 2022 ರಿಂದ ರಿಲಯನ್ಸ್ ಫೌಂಡೇಶನ್ ಮಂಡಳಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.