ಬಾಲ್ಯದಲ್ಲೇ ಹೆತ್ತವರ ಕಳೆದುಕೊಂಡ ಅಮನ್​ ಕಷ್ಟ ಕೇಳಿದ್ರೆ ಕಣ್ಣೀರು ತರಿಸುತ್ತೆ; ಕಂಚಿನ ಹಿಂದೆ ಇಷ್ಟೆಲ್ಲಾ ಶ್ರಮವಿದೆ

ದೇಶವ್ಯಾಪಿ ಮೆಚ್ಚುಗೆ, ಅಭಿನಂದನೆ ಗಳಿಸುತ್ತಿರುವ ಈ ಯುವ ಚಾಂಪಿಯನ್​, ಬಾಲ್ಯದಿಂದ ಇಲ್ಲಿಯವರೆಗೆ ಪಟ್ಟ ಶ್ರಮ ಕೇಳಿದರೆ ನಿಜಕ್ಕೂ ಕಣ್ಣೀರು ತರಿಸುತ್ತದೆ.

11 ವರ್ಷದಲ್ಲಿದ್ದಾಗಲೇ ತಮ್ಮ ತಂದೆ ಮತ್ತು ತಾಯಿಯನ್ನು ಕಳೆದುಕೊಂಡ ಅಮನ್​, ತೀವ್ರ ಸಂಕಷ್ಟದಲ್ಲಿ ತೊಡಗಿದ್ದರು. ಬಾಲ್ಯವನ್ನು ಆನಂದಿಸುವ ವೇಳೆಗೆ ಪೋಷಕರಿಬ್ಬರು ಅನಾರೋಗ್ಯದ ಸಮಸ್ಯೆಯಿಂದ ಇಹಲೋಕ ತ್ಯಜಿಸಿದರು. ಮುಂದೆ ಏನು ಮಾಡುವುದು ಎಂಬ ದಿಕ್ಕು ತೋಚದಂತೆ ಗೊಂದಲದಲ್ಲಿದ್ದ ಕಂಚು ಗೆದ್ದ ವೀರ, ತಂದೆ ಹಾಕಿಕೊಟ್ಟ ಅಡಿಪಾಯವನ್ನೇ ಗೆಲುವಿನ ದಾರಿ ಎಂದು ಪರಿಗಣಿಸಿದರು. ಅದೇ ಇಂದು ಅವರ ಅದ್ಭುತ ಸಾಧನೆಗೆ ಕಾರಣವಾಗಿದೆ.

ಅಮನ್ ಅವರ ತಂದೆಗೆ ತಮ್ಮ ಮಗ ಒಬ್ಬ ಕುಸ್ತಿಪಟು ಆಗಬೇಕು ಎಂಬ ಆಸೆಯಿತ್ತಂತೆ. ಹೀಗಾಗಿಯೇ ಅವರು ಪುತ್ರನನ್ನು ಛತ್ರಸಾಲ್ ಕುಸ್ತಿ ಅಖಾಡಕ್ಕೆ ಸೇರಿಸಿದ್ದರು. ಕಂಚು ಗೆದ್ದ ಬಳಿಕ ಈ ಕುರಿತು ಭಾವುಕರಾಗಿ ಮಾತನಾಡಿದ ಅಮನ್​, ‘ನನ್ನ ಪೋಷಕರು ನನ್ನನ್ನು ಒಬ್ಬ ಯಶಸ್ವಿ ಕುಸ್ತಿಪಟುವಾಗಿ ನೋಡುವ ಬಯಕೆ ಹೊಂದಿದ್ದರು. ಅವರಿಗೆ ಒಲಿಂಪಿಕ್ಸ್​ ಬಗ್ಗೆ ಕಿಂಚಿತ್ತು ಮಾಹಿತಿ ಇರಲಿಲ್ಲ. ಆದರೂ ಕೂಡ ದೊಡ್ಡ ಆಸೆಯನ್ನು ಕಂಡು, ಕುಸ್ತಿ ತರಬೇತಿಗೆ ಸೇರಿಸಿದರು’ ಎಂದು ಕಣ್ಣಂಚಲಿ ನೀರು ತುಂಬಿಕೊಂಡೇ ಹೇಳಿದರು.

11 ವರ್ಷಕ್ಕೆ ಪೋಷಕರನ್ನು ಕಳೆದುಕೊಂಡು ಕಂಗಾಲಾದ ಅಮನ್​, ತಂದೆ ಸೇರಿಸಿದ ಛತ್ರಸಾಲ್​ ಕುಸ್ತಿ ಅಖಾಡದಲ್ಲಿ ಮುಂದುವರೆಯಲು ಇಚ್ಛಿಸಿದರು. ಕುಸ್ತಿ ವಿಭಾಗದಲ್ಲಿ ಭಾರತಕ್ಕೆ ಒಲಿಂಪಿಕ್​ ಪದಕಗಳನ್ನು ಗೆದ್ದು ತಂದಿರುವ ಸುಶೀಲ್​ ಕುಮಾರ್​, ಯೋಗೇಶ್ವರ್​ ದತ್​, ಭಜರಂಗ್ ಪೂನಿಯಾ ಮತ್ತು ರವಿ ಕುಮಾರ್​ ದಹಿಯಾ ಇದೇ ಛತ್ರಸಾಲ್ ಗರಡಿಯಿಂದ ಒಲಿಂಪಿಕ್​ ವೇದಿಕೆ ಹತ್ತಿದವರು. ಪದಕ ವೀರರು ತರಬೇತಿ ಪಡೆದ ಸ್ಟೇಡಿಯಂನಲ್ಲಿಯೇ ಅಮನ್ ಕೂಡ ಬೆಳೆದರು. ಕೇವಲ ತನ್ನ ಎರಡನೇ ಮನೆಯಿದು ಎಂದು ಭಾವಿಸದ ಅಮನ್​ ಸೆಹ್ರಾವತ್​, ಕುಸ್ತಿ ಏಕೆ? ಅಲ್ಲಿ ಉಳಿಯುವ ಉದ್ದೇಶವೇನು ಎಂಬ ಹಲವು ವಿಷಯಗಳನ್ನು ಸರಿಯಾಗಿ ಅರ್ಥೈಸಿಕೊಂಡ ಕಾರಣವೇ ಇಂದು ಅವರು ಚಾಂಪಿಯನ್​ ಆಗಿ ನಿಂತು, ದೇಶಕ್ಕೆ ಕೀರ್ತಿ ತರಲು ಸಾಧ್ಯವಾಗಿದೆ,

Top News: Latest Trending in India, Buzz, World Trending News, Hot on Social Media, What is Trending in the World, Trending on Social Media.

►Watch LIVE: https://shashwatha.com/player.php?url=https://shashwatha.com/hls/shashwatha/ctvnews.m3u8
►CTV News : https://ctvnewskannada.com/
►Subscribe to Ctv News: https://www.youtube.com/channel/UCHtq26kA5D5anCbPD3HoURw
►Big News Big Update : https://ctvnewskannada.com/
► Download CTV Android App: https://play.google.com/store/apps/details?id=com.ctv.ctvnews
► Like us on Facebook: https://www.facebook.com/ctvnewschikkaballapura
► Follow us on Instagram: https://www.instagram.com/ctvnewschikkaballapura/
► Follow us on Twitter: https://twitter.com/ctvnewscbpura

-news #ctv #ctvnewskannada #ctvchikkaballapura #ctvnewsmedia #ctvlive#ctvnewsupdate #todaynews #latestnewstoday #ctv -news #ctv #ctvnewskannada #ctvchikkaballapura #ctvnewsmedia #ctvlive#ctvnewsupdate #todaynews #latestnewstoday #rtodaybreakingnews #chikkaballapuranews #flashnews #liveupdatenews @ctv-news